Мемлекеттік қызметті алу туралы ақпарат «Денсаулық жағдайына байланысты ұзақ уақыт бойы бастауыш, негізгі орта, жалпы орта білім беру ұйымдарына бара алмайтын балаларды үйде жеке тегін оқытуды ұйымдастыру үшін құжаттарды қабылдау»
Мемлекеттік қызметті алу туралы ақпарат
«Денсаулық жағдайына байланысты ұзақ уақыт бойы бастауыш, негізгі орта, жалпы орта білім беру ұйымдарына бара алмайтын балаларды үйде жеке тегін оқытуды ұйымдастыру үшін құжаттарды қабылдау»
- Қызмет туралы жалпы ақпарат
|
Параметр |
Сипаттамасы |
|---|---|
|
Қызметтің атауы |
Денсаулық жағдайына байланысты ұзақ уақыт бойы бастауыш, негізгі орта, жалпы орта білім беру ұйымдарына бара алмайтын балаларды үйде жеке тегін оқытуды ұйымдастыру үшін құжаттарды қабылдау |
|
Қызмет көрсетуші (қайда жүгіну керек) |
Бастауыш, негізгі орта және жалпы орта білім беру ұйымдары |
|
Құны |
Мемлекеттік қызмет жеке тұлғаларға тегін көрсетіледі, оның ішінде проактивті түрде |
|
Қызмет көрсету мерзімі |
2 жұмыс күні |
|
Қызмет көрсету нысаны |
Электрондық (жартылай автоматтандырылған), қағаз жүзінде немесе проактивті |
2. Құжаттарды тапсыру тәсілдері (қолжетімділік арналары)
Құжаттарды төмендегі тәсілдердің бірі арқылы тапсыруға болады:
1) Жеке өтініш беру арқылы
Бастауыш, негізгі орта және жалпы орта білім беру ұйымдарында.
- Құжаттар пакетін тапсыру кезінде күту уақыты — 15 минуттан аспайды;
- Қызмет көрсету уақыты — 15 минуттан аспайды.
2) Электрондық түрде (портал арқылы)
«Электрондық үкімет» веб-порталы арқылы — www.egov.kz.
- Қызметті электрондық түрде алу үшін электрондық цифрлық қолтаңбаның (ЭЦҚ) болуы қажет.
3) Проактивті түрде
www.egov.kz порталында тіркелген ұялы байланыс абоненттік құрылғысы арқылы.
3. Қажетті құжаттар тізбесі
Мемлекеттік қызметті алу үшін төмендегі құжаттар ұсынылады:
- Өтініш (еркін нысанда);
- Дәрігерлік-консультациялық комиссияның (ДКК) үйде оқыту жөніндегі ұсынымы бар қорытындысы.
Маңызды! Ақпараттық жүйелерден алынуы мүмкін құжаттар мен мәліметтерді талап етуге жол берілмейді. Қызмет көрсетуші мемлекеттік қызмет көрсету кезінде заңмен қорғалатын құпияны құрайтын мәліметтерді пайдалануға қызмет алушының келісімін алады.
4. Жұмыс кестесі
Қызмет көрсетушіге жеке жүгінген кезде
- Жұмыс күндері: дүйсенбіден сенбіге дейін, демалыс және мереке күндерінен басқа;
- Жұмыс уақыты: 09:00–18:30;
- Түскі үзіліс: 13:00–14:30;
- Өтініштерді қабылдау және нәтиже беру: 09:00–17:30;
- Алдын ала жазылу және жеделдетілген қызмет көрсету қарастырылмаған.
Портал / абоненттік құрылғы арқылы
- Тәулік бойы, техникалық үзілістерді қоспағанда.
Ескерту: Жұмыс уақытынан кейін, демалыс және мереке күндері жүгінген жағдайда өтініштерді қабылдау және нәтижелерді беру келесі жұмыс күні жүзеге асырылады.
5. Мемлекеттік қызмет көрсету нәтижесі
Мемлекеттік қызмет көрсету нәтижесі:
- Құжаттардың қабылданғаны (және оқуға қабылдау) туралы хабарлама;
- Мемлекеттік қызмет көрсетуден негізделген бас тарту.
Портал арқылы көрсетілген қызметтің нәтижесі қызмет алушының «жеке кабинетіне» электрондық құжат түрінде жолданады және сақталады.
6. Қызмет көрсетуден бас тарту негіздері
Мемлекеттік қызмет көрсетуден мынадай жағдайларда бас тартылуы мүмкін:
- Қызметті алу үшін ұсынылған құжаттар мен мәліметтердің жалғандығы анықталған жағдайда;
- Ұсынылған құжаттар мен мәліметтер Қазақстан Республикасының нормативтік құқықтық актілерінде белгіленген талаптарға сәйкес келмеген жағдайда;
- Мемлекеттік қызмет көрсету үшін қажетті шектеулі қолжетімділіктегі дербес деректерге қол жеткізуге келісім берілмеген жағдайда.
7. Қызметтің мәртебесі туралы ақпарат алу
Мемлекеттік қызмет көрсету тәртібі мен мәртебесі туралы ақпаратты келесі тәсілдермен алуға болады:
- Бірыңғай байланыс орталығы арқылы: 1414 немесе 8 800 080 7777;
- egov.kz порталының «жеке кабинеті» арқылы қашықтан;
- Қызмет көрсетушінің анықтамалық қызметтері арқылы;
- egov.kz порталында тіркелген ұялы байланыс абоненттік құрылғысы арқылы проактивті түрде.
